Simba SC wataka Uwanja wa Taifa uongezwe zaidi

Uongozi wa klabu ya Simba kupitia kwa Ofisa Habari wake, Haji Manara, umesema utafanya mazungumzo na serikali ya kuupanua Uwanja wa Taifa uliopo Dar es Salaam. 

Kwa mujibu wa Msemaji wake, Haji Manara, amesema itabidi wafanye hivyo ili kuwapa nafasi mashabiki wa Simba kuujaza uwanja vizuri. 

Manara ameeleza hayo akisema Simba ni klabu pekee hapa Tanzania yenye mashabiki wengi zaidi hivyo ni vema kama uwanja ukitanuliwa ili kutoa nafasi kubwa ya mashabiki wa Simba kuenea. 

Manara amesema watafanya mazungumzo na serikali kuona namna gani wanaweza wakasaidia suala hilo akidai mashabiki wa Simba hawaenei ukiendelea kuwa na watu 60.000. 

Hata hivyo Manara amewataka mashabiki wa timu hiyo kujitokeza kwa wingi katika mchezo ujao wa Ligi ya Mabingwa Afrika dhidi ya AS Vita utakaopigwa kwenye Uwanja huo mida ya saa 1 usiku.