Taifa Stars yaichapa Uganda mabao 3-0

Timu ya Taifa Stars imeichapa Uganda mabao 3-0  katika mchezo uliofanyika Leo Uwanja wa Taifa Jijini Dar es Salaa na kufanikiwa kuingia katika michuano ya AFCON. 

Mabao ya Stars yalianza kuwekwa kimiani na Simon Msuva dakika ya 21 akimalizia pasi ya John Bocco bao ambalo lilidumu mpaka kipindi cha kwanza. 

Kipindi cha pili mapinduzi yalikuwa makubwa ambapo Erasto Nyoni alifunga bao dakika ya 51 akifunga kwa mkwaju wa penalti na dakika ya 57 Agrey Morris alifunga bao la tatu akimalizia pasi ya Bocco.